ԷՄՄԱՆՈՒԷԼ
Ավետարանի Հավատքի
Քրիստոնյաների Եկեղեցի

ՆՈՐՈՒԹՅՈՒՆՆԵՐ ԵՎ ԻՐԱԴԱՐՁՈՒԹՅՈՒՆՆԵՐ

28-08-2010

Օգոստոսի 10-ից մինչև 24-ը տեղի ունեցան պատանեկան և երիտասարդական ճամբարները ք. Ծախկաձորում:

29-08-2010

Սեպտեմբերի 4-ից սույն թվականի “Էմմանուէլ” եկեղեցում սկսվում են աստվածաշնչյան դպրոցի դասերը:

29-08-2010

Աստվածաշնչյան դպրոցում սովորելու ցանկացողները, կարող են գալ “Էմմանուէլ” եկեղեցի Սեպտեմբերի 4-ին ժամը 12:00-ին:

ՄԵՐ ՀԱՎԱՏԱՄՔԸ

Մենք հավատում ենք.
Աստվածաշնչին` որպես ամբողջությամբ Աստծուց ներշնչված միակ գրավոր հայտնությանը,
Աստծո եռամեկ բնույթին` Երրորդությանը. Հայր Աստծուն, Որդի Աստծուն, Սուրբ Հոգի Աստծուն,
Հիսուս Քրիստոսի` ամբողջությամբ մարդկային և ամբողջությամբ աստվածային բնույթին,
Որ Աստծո Որդին` Հիսուս Քրիստոս ծնվեց կույսից, ապրեց անմեղ կյանքով, խաչվեց մարդկության մեղքերի համար, երրորդ օրը հարություն առավ և համբարձվեց,
Որ փրկության միակ ճանապարհը Հիսուս Քրիստոսի անվան, խաչի վրա Նրա փրկագնման հավատքով է,
Հիսուս Քրիստոսի երկրորդ գալստյանը,
Սուրբ Հոգու պարգևներին,
Հարությանը, հափշտակությանը, Աստծո Դատին,
Դրախտի և դժոխքի գոյությանը,
Աշխարհի վերջին, Հիսուս Քրիստոսի հազարամյա թագավորությանը,
Նոր Երկրին ու Նոր Երկնքին:
Մենք քարոզում ենք քրիստոնեական կենցաղավարություն:
Մենք հարգում ենք բոլոր ուղղադավան եկեղեցիներին, պետության օրենքները և աղոթում ենք մեր երկրի, ու իշխանությունների համար:

ՆԻԿԻԱԿԱՆ ՀԱՎԱՏՔԻ ՀԱՆԳԱՆԱԿ

Հավատում ենք մեկ Աստծո` ամենակալ Հոր, որ Արարիչն է երկնքի և երկրի, տեսանելի և անտեսանելի ստեղծվածների:
Հավատում ենք մեկ Տեր Հիսուս Քրիստոսի` Աստծո Որդու, որ Հայր Աստծուց է ծնված որպես միակ ծնունդ, այսինքն` Հոր էությունից է:
Աստված է Աստծուց ծնված, Լույս է Լույսից առաջ եկած:
Ճշմարիտ Աստծուց ծնված Ճշմարիտ Աստված է, և ոչ արարաված:
Նա Հոր բնությունից է:
Իրենով է ստեղծված ամեն ինչ, որ կա երկնքում և երկրի վրա, տեսանելի և անտեսանելի:
Ինքն էր, որ մեզ` մարդկանց, և մեր փրկության համար երկնքից իջավ և մարմին առավ, մարդացավ, Սուրբ Հոգու ներգործությամբ սուրբ կույս Մարիամից ծնվելով որպես կատարյալ մարդ` մարմնով, հոգով ու մտքով, և ամեն ինչով, որ մարդկային է, ոչ թե երևութապես, այլ` ճշմարտապես:
Չարչարվեց, խաչվեց, թաղվեց, երրորդ օրը հարություն առավ, նույն մարմնով երկինք ելավ և Հոր աջ կողմը նստեց:
Հավատում ենք նաև, որ վերստին պիտի գա նույն մարմնով և Հոր փառքով` ողջերն ու մեռածները դատելու, Ինքը, որի թագավորությունն անվախճան է:
Հավատում ենք անեղծ ու կատարյալ Սուրբ Հոգուն, որ խոսեց օրենքի, մարգարեների և Ավետարանների միջից և Հորդանան գետի վրա իջավ, առաքյալներին ուսուցանեց և սուրբերի մեջ բնակվեց:
Հավատում ենք նաև մեկ, ընդհանրական և առաքելական սուրբ Եկեղեցուն, մեկ մկրտության, ապաշխարհության, մեղքերի քավության և թողության, մեռելների հարության, հոգիների և մարմինների հավիտենական դատաստանի, երկնքի արքայության հաստատմանը և հավիտենական կյանքի: