Սիրելի քույր կամ եղբայր, անշուշտ քեզ կհետաքրքրի այն հարցի պատասխանը, թե ովքե՞ ր ենք մենք և ի՞ նչ կրոնական ուղղություն ենք ներկայացնում: Հուսով ենք, որ դուք արդեն իսկ ծանոթացել եք սույն կայքի մեջ զետեղված նյութերին, քանի որ շարադրված տեսակետներն ու կարծիքներն, ինքնին, խոսում են մեր` ով լինելու մասին:

Մենք ներկայացնում ենք Հայաստանի Հանրապետության Ավետարանի Հավատքի Քրիստոնյաների Միաբանություն կեղեցին: Կայքում տեղ գտած նյութերը նպատակ ունեն նաև պարզաբանել, թե ինչպիսի՞ն է մեր պատկերացրած քրիստոնեությունը և ովքե՞ր են իրականում քրիստոնյաները:

Իսկ, թե ինչու՞ ենք Ձեզ հրավիրում այս հեռակա զրույցին և ի՞ նչ նպատակ ենք հետապնդում մեր այս հաղորդակցությամբ, ասենք, որ Աստված իրեն հավատացող յուրաքանչյուրի հետ այսօր էլ շարունակում է խոսել Աստվածաշնչի էջերից: Մենք, որպես Հիսուս Քրիստոսի աշակերտներ, կատարում ենք մեր Տիրոջ պատգամը, որ գրված է Մարկոսի Ավետարանում` 16-րդ գլխի 15-րդ համարում: … Գնացեք ամբողջ աշխարհով մեկ և քարոզեցեք Ավետարանը բոլոր մարդկանց: (Մարկոս.16:15)

Ձեզ հետ ունեցած այս զրույցը Հիսուս Քրիստոսի միջոցով աշխարհին հայտնված Բարի Լուրի քարոզման ձևերից մեկն է: Մենք քարոզում ենք, որ կա հույս հուսալքվածների համար, կա փրկություն կորսվածների համար, կա բժշկություն հիվանդների համար, կա ազատագրություն մեղքի ու անեծքի կապանքների տակ տառապողների համար, կա սեր հիասթափվածների ու խաբվածների համար, կա մի վայր, որտեղ հանգիստ են գտնում բոլոր նրանք, ովքեր կորցրել են այս կյանքում ինչ-որ բանի հասնելու հավատքը, որ անգամ իմաստ չեն տեսնում իրենց ապրելու մեջ, կա մի վայր, որտեղ դու կարող ես ապրել իրական ազատության մեջ: Եվ այս ամենը իրական է քեզ համար շնորհիվ մեկ անձի` մեր Տեր և Փրկիչ Հիսուս Քրիստոսի: Նա խոստացել է, որ մեզ հետ է լինելու միչև աշխարհի վերջը. … Եվ ահա ես ձեզ հետ եմ բոլոր օրերում` մինչև աշխարհի վախճանը: (Մատթեոս.28:20)

…Ով չհավատա` պիտի դատապարտվի.- ասում է մեր Տեր Հիսուս Քրիստոսը: Սրանք մեր խոսքերը չեն, այլ մեր Աստծո: Նա մեզ հետ է և նաև քեզ հետ: Եվ այսօր հավատքի այս կոչը հենց քեզ է ուղղված: Մեր աղոթքն է, որ այս զրույցն օգնի քեզ հավատալու այնպիսի հավատքով, որը տանում է փրկության և ոչ թե դատապարտության: Գուցե այդ հավատքի առաջին ծիլերը ընդամենը նոր հարցեր լինեն, գուցե դա լինի մեր պատասխանների հետ անհամաձայնության միջոցով, սակայն եթե այս ամենը մոտեցնի քեզ Աստծո Խոսքին, ապա համոզված եղիր, որ դու արդեն իսկ կանգնած ես Աստծո նախանշած ճանապարհի վրա: Աստծո Խոսքն ասում է, որ փնտրողը գտնում է և թակողին կբացվի:

Մենք չենք քարոզում, որ միայն մենք ենք ճշմարիտ քրիստոնյաները և միայն մեր եկեղեցում է տեղի ունենում իրական երկրպագություն ու աստվածապաշտություն: Մեր միակ նպատակն է, որ դու սկսես փնտրել ճշմարտությունը, որ հավատաս, որ Քրիստոսն է այդ Ճշմարտությունը և միակ Ճանապարհը, որ տանում է դեպի փրկություն: Մենք պատրաստ ենք նաև շարունակել այս զրույցը և ուրախ կլինենք հանդիպել քեզ հետ, խոսել հեռախոսով կամ նամակագրական կապի մեջ լինել:

Մեր հասցեն` ք. Երևան, Հ.Ա.Թ., Շերամի 88 (լողավազանի հարևանությամբ)
Հեռախոսը` +374 55 060322
Էլ. հասցեն` info[at]emmanuel.am

Մարդն, ով նպատակ ունի մարդկանց իրեն ծառա դարձնել, ի վերջո մնալու է միայնակ: Մարդն, ով նպատակ ունի ինքը ծառա դառնալ մյուսներին, երբեք միայնակ չի մնա: Ռ. Թումանյան